Frá næstu áramótum verða almenningsbókasöfnin í þéttbýliskjörnum Fjarðabyggðar þjónustugáttir fyrir íbúa á hverjum stað. Í bókasöfnum á Stöðvarfirði, Fáskrúðsfirði, Reyðarfirði, Eskifirði og Norðfirði liggja frammi eyðublöð og á opnunartíma safnanna er tekið við umsóknum um þjónustu sveitarfélagsins.

Jafnframt verður þar aðgangur að tölvu og aðstoð og ráðgjöf um hvernig nálgast megi upplýsingar um starfsemi sveitarfélagsins á heimasíðunni. Bæjarstjórnarskrifstofunni í Neskaupstað verður lokað um áramótin og starfsemin flutt á Reyðarfjörð. Íbúar í Neskaupstað hafa lýst yfir óánægju með þessar breytingar.